Fomento Productivo, Sercop yanapak wasikunamanta tantanakurkami llankaykunamanta paktalla apankapak, shinallatak kay Sercop wasimanta riksichirkami  kay catalágo electrónico charinmi (45 productos chusku chunka pishka murukunamanta).

Cotopaxi markapak apuk Jorge Guamán Coronel, Quito kitipi kimsa yanapak wasikunapak apukkunawan tantanakurkami pankakunapi aspinkapak. Shinallatak nirkami kay yanapaykunata maskanchik ñukanchik markapi tantanakushpa llankankapak.

Unión de Comunidades Indígenas y Campesinas jatun tantanakuykunata paktachirkami, kay llankaykunata paktachinkapak. UCICLA tantanakuy kay ayllu llaktakunawan wankurinmi: Noetanda, Jilingua Grande, Jilingua Chico-Toabilli, Palopo Mirador, Palopo Contador y Unabana. Watan watan kay tantanakuypi pushakkunata akllashpa katinkuna, chaymanta chikan chikan ayllu llaktamanta pushakkuna kunan puncha tantanakurka.

Cotopaxi markapak apuk Jorge Guamán Coronel tantanakurkami Galpón ayllu llakta ayllukunawan yaku llankaymanta rimankapak. Víctor Hugo Tercero, kay ayllu llaktapak pushak yupaycharkami kay llankaykunata yanapashkamanta, shinallatak nirkami kay ayllu llaktapi mutsurinchik alli ñankuna tiyachun, ñukanchik murukunata feriakunaman llukchita ushankapak.