chaymanta kay gobierno provincial marka kamachikmanta makinarias jillaykunata kacharkami, shuk excabadora kimsa volqueta kay recinto el tesoro guasaganda ñankunata allichun.

shinallatak  tingo la esperanza ayllu llaktapi domingo puncha ashka tamiakuna urmashpa llakichirkami kimsa wasikuna ñankunata, chaymanta cotopaxi marka kamachikmanta kacharkami shuk volqueta, shuk excavadora kay wakllirishka ñankunata allichishpa llankachun.

Kutishuk ayllu llaktakunapi llankaykunawan katinmi Sigchos Palo Quemado kitillipi ayllu llaktakunapipash ashka ñankuna wakllirishkami, chaymanta gobierno provincial marka kamachik, municipio de Sigchos, gobiernos parroquiales kimsa yanapak wasikuna tantanakushpa kay palo quemado San Pablo de Plata y Florida ayllu  llaktakunapi llankaykunata paktachishpa katinmi.

Rene morales gobierno provincial marka kamachik kay dirección de obras públicas ukupi llankak, willachirkami tukuy makinarias jillaykuna Subtropico ayllu llaktakunapi viernes chunka kimsa punchakama llankashpa tukuchinka nirkami.